7.1 C
Скопје

Распишан е конкурсот за книжевната награда „ПЕГАЗ“ за најдобар необјавен роман за 2020 година

„Арс Ламина“ и Фондацијата „Славко Јаневски“ го распишуваат конкурсот за книжевната награда „ПЕГАЗ“ за најдобар необјавен роман за 2020 година.

Издавачката куќа „Арс Ламина“ и Фондацијата за унапредување и промоција на културните вредности „Славко Јаневски“ го распишуваат вториот конкурс за книжевната награда „ПЕГАЗ“ за најдобар необјавен роман за 2020 година.

За наградата можат да конкурираат сите необјавени романи (ракописи) наменети за возрасни или за деца. Романите треба да бидат предложени од самите автори-кандидати за наградата, кои треба да ги достават своите ракописи во електронска форма (во ворд или во пдф-формат), на следната е-пошта: [email protected]
Конкурсот ќе биде отворен до 15 јуни 2020 година.

Ракописите ќе ги оценува тричлена стручна жири-комисија, составена од реномирани книжевни дејци и еден претставник на издавачот.
Наградата „ПЕГАЗ“ се состои од паричен износ од 90.000 денари и објавување на романот во посебна едиција. Добитникот на наградата ќе биде соопштен најдоцна до 30 септември 2020 година.
Доколку и некој друг од ракописите биде оценет позитивно, издавачот „Арс Ламина“ може да понуди објавување и на второ и треторангираните романи.

На минатогодишното, прво издание на „ПЕГАЗ“ пристигнаа 77 ракописи. За победник беше избран романот „Насон прочитана книга“ од авторката Соња Манџук, кој беше објавен и промовиран на посебна свеченост. Ракописите што беа позитивно оценети, исто така добија можност од „Арс Ламина“ да бидат објавени, па така, деновиве од печат ќе излезе и романот „Курвински хроники“ од Александар Русјаков.

Наградата „ПЕГАЗ“ за најдобар необјавен роман е своевидно продолжение на веќе етаблираната награда „Роман на годината“ што ја доделува Фондацијата за промоција и унапредување на културните вредности „Славко Јаневски“. Имајќи го предвид влијанието што оваа награда го изврши врз квалитативниот скок на македонската романсиерскa продукција, Фондацијата „Славко Јаневски“ и „Арс Ламина“, по вторпат го организираат изборот за необјавен роман за деца или возрасни, сметајќи дека на тој начин ќе се овозможи уште поголем квалитет на овој специфичен литературен жанр.

Поврзани вести

Почина актерот Љупчо Тодоровски-Упа

Слободен печат

ААМ: Архитектот Ѓоко Радовановиќ е добитник на наградата за животно дело „Андреја Дамјанов” за 2020 година

Слободен печат

ВИДЕО | Николиќ: Со финансиската поддршка од Креативна Европа, МНТ ќе го работи меѓународниот проект „Патиштата на хероите“

Најмладиот член на кавадаречката библиотека има само четири години, а последна книга што ја позајмил е „101 начин да ја спасиме Земјата”

Слободен печат

Ковид се лечи и со пишување, разговор Линдита Кадриу – колумнистка и писателка

Слободен печат

Изложба во Струга: Пола век творештво и промоција на публикација на Мице Јанкуловски-МИЦКО

Слободен печат

Остави Коментар