Раси на кучиња кои се идеални за семејства со деца

Дете со куче / Фото: Pexels/Katya Wolf

Факт е дека кучињата се прекрасни домашни миленици – верни и полни со љубов кон своите сопственици. Но, доколку имате деца и имате желба да донесете кученце во домот, тогаш треба добро да размислите која раса на куче ќе ја вдомите, пишува „Кликс“.

На прво место е германскиот овчар – верен пријател, кој е заштитнички настроен кон луѓето што ги сака, особено кон децата. Тој е одличен во учењето и следењето на командите, па ќе можете да сметате на него во секое време.

Златниот ретривер е куче кое има добар темперамент, нежно е и знае како да се однесува со децата. Тоа е особено поврзано со сопствениците. Не бара многу грижа, па затоа е одличен избор за семејства чиј животен стил е прилично зафатен.

Девојче со златен ретривер / Фото: Pexels/Helena Lopes

Кавалерски шпаниел на кралот Чарлс е многу мила раса на кучиња, која е пријателски расположена кон сите – вклучувајќи ги и децата, но и повозрасните луѓе. Тоа бргу ќе се прилагоди на вашето темпо на живеење. Доволно е да поминете еден час дневно шетајќи со него. Нема да биде проблем дури и ако имате друго домашно милениче, на пр. мачка.

Самоједот е куче кое е речиси секогаш добро расположено. Сака деца и бргу емотивно се врзува за семејството со кое живее. Има темпераментна природа, па ќе мора да бидете подготвени за долги прошетки.

Самојед / Фото: Pexels/Helena Lopes

Бигл ќе биде идеален за вашето семејство. Друштвен е и има трпение со малите деца, кои, пак, ќе добијат вистински пријател кој ќе ги придружува низ животот.

Видео на денот