Генералниот секретар на Владата, Драги Рашковски, на денешната прес конференција за новинарите во врска со случајот со радарите изјави дека за тоа е разговарано на затворена владина седница, но информациите се класифицирани.

– За случајот со радарите кои останале без сигнал во септември е разговарано на затворена владина седница, но информациите се класифицирани бидејќи станува збор за доказна постапка во Обвинителството. По носење на одлуките од страна на Обвинителството, информациите ќе бидат јавни – изјави денеска генералниот секретар на Владата, Драги Рашковски на прес-конференцијата во Владата.

Прашан зошто инцидентот се случил во септември, а Владата за ова разговарала минатата недела, Рашковски појасни дека за ова е разговарано на првата владина седница по добивањето на извештајот за овој случај од страна на Комитетот за воздухопловни несреќи