Рашфорд: Прикажуваме само половина од тоа што го можеме
Напаѓачот на Манчестер јунајтед признава дека екипата во последно време не го прикажува вистинското лице.
Манчестер јунајтед вчера во поразот од градскиот ривал од 1:3 во полуфиналето на Лига купот, го одигра еден од најлошите натпревари сезонава. „Црвените ѓаволи“ во 2020 година имаат два порази и едно реми.
– Мораме да продолжиме да се бориме за се вратиме на победите. Се може да се подобри во нашата игра. Најверојатно прикажуваме само половина од тоа што го можеме како тим. Никој не сака да губи, никој не почнал да игра фудбал за да губи натпревари. Лично, не сметам дека тоа е проблем, сите знаат дека сакаме да победуваме и мора да продолжиме да работиме напорно – изјави Рашфорд.
Манчестер јунајтед со поразот од Манчестер сити се наоѓа пред елиминација од Лига купот иако има реванш, но тој се игра на „Етихад“ во синиот дел од градот, додека во Премиер лигата тие се наоѓаат на петтото место, со само пет бода помалку од четвртопласираниот Челси кој има 36 бодови.