Министерот за здравство Беким Сали во изјава за Сител попладнево рече дека сѐ уште е рано да се размислува за укинување на ковид-сертификатите, откако дел од европските земји почнаа со таква практика.

-Рано е за таква одлука, затоа што нивото на вакцинација на популацијата е многу помала од земјите што ги укинуваат. Важно е да продолжи имунизацијата. Апелирам граѓаните да се имунизираат, рече министерот.

Тој вели дека исполнетоста во болниците во моментов изнесува 55 до 60%.

-Сѐ уште располагаме со капацитети. Тоа се општите клиники по градовите, Инфективната клиника и болницата 8-ми септември. Интерните клиники можно е повторно да станат ковид-центри, ако дојде до нагло зголемување на бројката на пациенти, иако во моментов се уште сме далеку од тоа, информира Сали.