Изготвувањето на годишната ранг листа на најдобрите работи во САД се прави врз основа на неколку критериуми, како висина на платата, отворени работни места, балансот меѓу работата и приватниот живот и нивото на стрес.

– Ниту една работа докрај не ни одговара на нас, н о многу имаат неколку заеднички работи, се наведува во годишната ранг листа на најдобри работи за 2021 година, пренесува порталот „БизЛајф“.

На врвот на листата, а првпат по три години, не се програмерите, а надвор од топ 5 се и стоматолозите чија дејност е падната на деветто место.

На прво место на најдобрите работи за 2021 година е асистент на лекар со просечна заработувачка од 112.600 долари за што е потребно мастер образование. Следува програмер на софтвер со 107.510 долари средна годишна заработувачка (потребна диплома од факултет), потоа медицинска сестра (110.700 долари годишно во просек, потребна мастер диплома).

На четвтро место е менаџер на здравствени и медицински услуги (100.980 долари и потребно факултетско образование) додека топ 5 завршува со лекар (206.500 долари годишна заработувачка, потребен докторат).

Истражувачите ги разгледуваа работите со најголем проектиран број и процент на отворање од 2019 година до 2029 година, како што утврди Бирото за статистика на работа во САД. Потоа прегледаа низа од други фактори на скала од 1 до 10, вклучувајќи и изгекди за кариера, стапка на невработеност и предвиден десетгодишен траст на бројот на тие работи.