Потпретседателот на Собранието на Македонија, Зекир Рамчиловиќ во „Утрински брифинг“ на „Слободен печат“ рече треба да продолжиме кон она што се гледа – интеграција, стабилна и просперитетна држава.

„Со она што во изминатиот период и мандат кој што беше исклучително тежок, мислам дека имам што да понудам од политички аспект, но она што го одбележа моето делување е носењето на рационални одлуки во корист на државата. Кога се работи за државнички политики да се остават ситните политичко-партиски интереси“, рече Рамчиловиќ.

– Да продолжиме по оној пат кој што сме тргнале. Односно оној период кој што сме го имале на изолација, да го тргнеме и да продолжиме кон ова што е на повидок – интеграција, стабилна и просперитетна држава – посочи потпретседателот на Собранието на Македонија.