Рама се пофали: Албанија и Исланд со најмалку заразени во Европа

Фото: EPA-EFE/JOHN THYS / POOL

Албанскиот премиер Еди Рама преку објава на социјалните мрежи се пофали дека според глобалното мерење, во последните две недели за намалување на бројот на заразени со Ковид-19, Албанија и Исланд, се двете земји со најмалку случаи на инфекции на Стариот континент.

Рама го сподели двонеделниот графички приказ објавен на престижната веб-страница Ourworldindata.org, во врска со случаите со Ковид-19 на милион жители каде може да се забележи драстично намалување на случаите на заразени во Албанија.

Од започнувањето на националната кампања за вакцинација против опасниот вирус „Албанија се насмевнува” се аплицирани над 800.000 вакцинации.

– Пристигна нова пратка од 11.700 вакцини од Фајзер со кои досега добиени се 911.000 дози вакцини. Вакцинацијата се спроведува според сите параметри на безбедност и квалитет од страна на обучени тимови низ целата земја. Нашата цел од милион вакцинирани во јуни е пред остварување. Албанија се насмевнува, напиша Рама.

Во меѓувреме, според податоците на Министерството за здравство во последното деноноќие во земјата нема починат ковид пациент а вирусот е дијагностициран кај 13 лица. Моментно активни на болеста се 209 лица од кои на болнички третман се 23 пациенти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот