Премиерот на Албанија, Еди Рама преку објава на социјалната мрежа Фејсбук истакна дека бројката на луѓето кои загинаа денеска во Италија од коронавиурот е страшна и тоа треба да биде аларм за луѓето да сфатат колку е сериозна ситуацијата.

-Луѓе! Во Италија денеска имаше 627 луѓе кои починаа. 627 само денеска. Само денеска. 24 часа 627 смртни случаи! Во Ломбардиа каде Италија има здравствен систем, кој е на врвот на Европа, девет од десет смртни случаи се регистрираат дома. Зошто? Затоа што мерките се превземаа доцна, и луѓето се смеа со мерките во име на слободата, за забава и противникот им дојде дома на сите! Бројот на заболени го надмина бојот на слободни кревети во болниците и еве како дојде работата! Сега како ќе направиме! Ќе се убиеме еден со друг и ќе броиме стотици мртви не дај Боже илјадници? Или ќе опстоиме и ќе се спасиме? Луѓето седеле и по 30 години во затвор или 30 дена штрајкувале со глад и не умреле, зошто треба да умрат денеска седејќи дома без да излезат или да чекаат малку повеќе во ред без да се залепат еден со друг- напиша Рама.

Инаку од утре во Албанија од 13 часот се забранува излегувањето на улица до понеделник. На улица ќе биде само војската.