Ракометарките на Куманово ја освоија титулата во Купот
Куманово во женското куп финале на Македонија денеска успеа да го совлада составот на Вардар со резултат 26:18.
Лани поради пандемијата на коронавирусот не се одржа натпреварувањето, па така практично ракометарките на Куманово го одбранија трофејот.
Претходно во полуфиналната пресметка триумфираа против ЖРК Металург со 27:23.
Во победничките редови најефикасна беше Јанкуловска со шест погодоци, а еден помалку на спротивната страна имаше Трпевска.
За најдобар голман беше избрана Андреа Илиќ, додека за најкорисен играч (МВП), ракометарката на ЖРК Куманово, Ангела Јанкуловска која воедно беше и најдобар стрелец на Ф4 турнирот.
Фото: facebook.com/rfmofficial