Ракометарките испуштија победа над Исланд

фото: РФМ

Женската ракометна репрезентација до 19 години ремизираше 24:24 со Фарски Острови во второто коло од Европското првенство кое се игра во Скопје.
Младите ракометарки подобро го отворија натпреварот, по 15-тина минути Македонија поведе со 8:4. Сепак, противничките почнаа да враќаат во игра, и за две минути со мини серија од 0:2 по што предноста до крајот на полувремето се движеше околу 2-3 гола. Во последната секунда, ракометарките на Фарски Острови погодија за минимално водство на Македонија од 14:13.

Стартот на второто полувреме повторно им припадна на избраничките на Љубомир Савевски и веднаш ја  вратија предноста од три гола (17:14). Ракометарките предноста ја одржуваа до 55 минута, по што промашувањата на младите ракометарки ги казнија противничките кои на три минути пред крајот дојдоа до израмнување на 23:23. Фарски Острови поведе со 23:24, но во следниот напад Ризоска погоди за 24:24. Во последните моменти, Македонија имаше напад за победа, но Костовиќ беше непрецизна во додавањето, а потоа и противничките не успеаја да реализираат по што натпреварот заврши без победник 24:24.
Следниот натпревар, младите ракометарки ќе го играат в среда против селекцијата на Холандија (20.30 ч.).

Видео на денот