Македонскиот национален тим попладнево замина за Стара Пазова (Србија), каде што утре и задутре треба да одигра два контролни натпревари.

Тие ќе бидат дел од контролките пред настапот на сениорите на Европското првенство 2020 година каде што мечевите од групната фаза ќе ги играат во Виена (Австрија).

Првиот меч ќе го имаме на 10 јануари против Украина, два дена подоцна со Чешка, а на 14 јануари ривали ни се Австријците.

В среда и четврток избраниците на селекторот Данило Брестовац ќе ги одмерат силите против селекцијата на Кувајт.

Потоа, репрезентативците ќе продолжат за Букурешт (Романија), каде што в сабота и в недела ќе бидат дел од 12. издание на традиционалниот турнир „Трофеј Карпати“.

Распоред на натпревари, „Трофеј Карпати“:

28.12.2019 (сабота) 16:00 часот Македонија – Алжир

28.12.2019 (сабота) 18:00 часот Романија – Холандија

29.12.2019 (недела) 16:00 часот Натпревар за 3-то место

29.12.2019 (недела) 18:00 часот Натпревар за 1-во место