Ракитиќ: Секогаш треба подготвен за трансфер, би сакал да играм со Роналдо!
За Хрватот Меси е најдобриот фудбалер во историјата, има желба Нејмар да се врати на „Камп Ноу“, но Бразилецит самиот си одлучува.
Хрватскиот фудбалер гостуваше денеска на „Бличер Рипорт“ и одговараше на прашањата на социјалните мрежи околу неговата кариера, но и приватниот живот.
Иван Ракитиќ откри во разговорот дека за него најпотценет фудбалер на светот е Миралем Пјаниќ, најдуховит Дани Алвеш, а истакна дека и многу пие кафе.
Многу ги интересираше како е тоа да се игра со Меси и смета дека Аргентинецот е најдобриот фудбалер со кој играл досега во кариерата.
– Играњето со Меси е неверојатно искуство, секоја ера има посебни играчи, а Меси сигурно е најдобар во последните 15 години. За мене е најдобар во историјата – рече Ракитиќ, а потоа го коментираше можното враќање на Нејмар во Барселона:
– Би сакал Нејмар да биде во екипата, но тој си одлучува што сака. Ние сме добри пријатели и сакам да биде среќен, тој е еден од најдобрите играчи на светот.
Го коментираше и португалскиот фудбалер на италијанскиот шампион, Кристијано Роналдо:
– Дали би сакал да играм со Кристијано? Да, секако, би сакал да играм со него. Тој е исто така еден од најдобрите играчи во историјата. Навистина уживате да го гледате и можете да видите што прави тој за Јувентус. За мене, тој е еден од најдобрите во историјата.
Ракитиќ воедно говореше и за својот статус на „Камп Ноу“ и околу шпекулациите дека би можел да го напушти клубот наредното лето.
– Сето тоа е дел од фудбалот, морате да разберете дека играч мора секогаш да биде подготвен на трансфер. Мора да се биде среќен и мисли на семејството, а среќен сум додека играм за Барселона – вели Ракитиќ.