Рајо ја прекина серијата порази, цел меч за Димитриевски против Севиља
Денеска во рамките од 28 коло во најсилното шпанско првенство составот на Рајо Ваљекано дома ремизираше 1:1 против Севиља.
Рајо на тој начин ја прекината негативната серија од шест порази во низа во „Ла Лига“, но и натаму нема запишано победа во 2022 година, последната ја забележа на 18 декември 2021 година.
Македонскиот репрезентативен голман Столе Димитриевски го одигра целиот натпревар за домаќините.
Гостите постигнаа гол во 11 минута, но истиот беше поништен поради играње со рака. На стартот од вториот дел Португалецот Бебе донесе водство за Рајо.
Севиља успеа да израмни во 63 минута преку Дилејни. На табелата Рајо е на 13 позиција со 32 бодови, додека Севиља има 56 на второто место, седум помалку од Реал Мадрид кој има меч помалку.
Во следното коло Рајо Ваљекано на домашен терен ќе го пречека Атлетико Мадрид, додека Севиља еден ден подоцна се сретнува со Реал Сосиедад.