Рајан Рејнолдс ќе стане сопственик на фудбалски клуб: За 2 милиони долари го купува од навивачите! (ФОТО)
Рајан Рејнолдс (43) е заинтересиран да го купи фудбалскиот клуб Врексам АФЦ, а како што се зборува, тој веќе имал состанок на кој биле прецизирани деталите – јавува Скај Њус.
Се зборува за сума од 2 милиони долари, која актерот треба да ја плати за да стане сопственик на клубот, кој не е во некоја завидна позиција.
Овој тим од истоимениот град во Велс постои од 1846 година и е трет најстар професионален фудбалски клуб во светот.
Клубот од 2011 година е во сопственост на навивачите, а моментално немаат добри резултати – се натпреваруваат во петтата англиска лига.
Инаку се зборува дека во клубот ќе инвестира и актерот Роб Мекелхен (43), ѕвездата од серијата „Секогаш е сончево во Филаделфија“.