Радоста на младата невеста ја прекина ужасната експлозија во Бејрут (ВИДЕО)
Од престолнината на Либан постојано пристигнуваат морничави снимки и фотографии после експлозијата која вчера одекна во центарот на Бејрут.
На една од снимките се гледа како несреќата го прекинала фотографирањето на една млада невеста.
Всушност, на снимката се гледа како невестата се фотографира после венчавката. На нејзиното лице има насмевка, додека во позадина се слуша музика.
Наеднаш се слуша страшен звук и се дига прашина, а нејзиниот фустан и букетот буквално одлетуваат, камерата се врти и го прикажува димот и разрушените работи од силната детонација.
A bride captured shooting her wedding photos moments before the explosions. Disturbing!!
#PrayForLebanon #Beirut pic.twitter.com/sLN8rXLFZg— #StaySafe (@Iamhornsby) August 5, 2020
На снимката потоа ги гледаме невестата и младоженецот како трчаат да се скријат подалеку од улицата кадешто има дим и урнатини.
Експлозијата се случи во Бејрут, а иако се уште не се знае што точно ја предизвикало, сомнежите се дека е примерок од натриум нитрат, кој небезбедно се чувал на местото.
Според последните податоци, починале најмалку 100 луѓе, а повредени се повеќе од 4 илјади.
Бројките се уште растат.
