Бугарскиот претседател Румен Радев уште еднаш ја предупреди Македонија дека патот кон Европската Унија води преку признавањето на правата на македонските Бугари.

„Државното раководство на Република Северна Македонија и целото општество кај нашиот сосед треба да разберат дека патот кон Европската Унија води преку признавање и почитување на правата на македонските Бугари и на нашето културно-историско наследство“, порача Радев од Враца, коментирајќи го пукањето врз клубот „Цар Борис Трети“ во Охрид.

Според него, како што објавуваат бугарските медиуми, ова е единстевниот начин граѓаните на Северна Македонија да одат по патот, за кој што многу пати се изјасниле дека сакаат да го поминат.

Радев уште коментираше дека се работи за недозволив вандалски чин на агресија која со децении им се подметнува на Бугарија и Бугарите.