Радев: Северна Македонија да покаже почит кон вредностите на ЕУ

Бугарскиот и германскиот претседател/Фото: EPA-EFE/ANDRZEJ LANGE

Претседателите на Бугарија и Германија, Румен Радев и  Франк-Валтер Штајнмаер на работната средба во Стразбур размениле мислења за безбедносната средина во соседните региони на ЕУ и европската перспектива на Република Северна Македонија.

Шефот на бугарската држава се заложи за активен билатерален дијалог на високо ниво со Република Северна Македонија, во кој ќе се решат спорните прашања во билатералните односи.

Румен Радев посочи дека нивниот југозападен сосед треба да покаже европска зрелост и почит кон вредностите на ЕУ со преземање конкретни активности за запирање на јазикот на омраза кон Бугарија во учебниците по историја, државните студии и научните студии на бугарскиот културно-историски наследство и особено за почитување на правата на своите граѓани, кои отворено го изразуваат својот бугарски идентитет.

Прашањето за пристапување на Бугарија во Шенген зоната, за што земјата постигна техничка подготвеност во 2011 година, на средбата го постави  претседателот Румен Радев.

Двајцата шефови на држави беа едногласни дека Европската унија треба да биде многу поактивна во барањето мирно и одржливо решение за кризите во соседните региони, што доведе и до зголемени миграциски притисоци врз Европа.

Видео на денот