Голманот на италијанската репрезентација и на Џенова, Федерико Маркети збесна кога вработен во авто-перална му го врати скапоцениот „Ferari 812 Superfast“ вреди дури 335.000 евра.

Маркети го остави своето возило во перална и замина на тренинг, а кога вработениот тргна да го врати автомобилот малку се „занесе“ и удри Ферарито.

Се чини дека работникот не знаел како да се носи со моќниот автомобил кој од 0 до 10 километри на час забрзува за само 2.9 секудни, па предизвика сообраќајна несреќа. Автомобилот удри во заштитна ограда и целосно е уништен предниот дел од Ферарито, а покрај тоа се оштетени уште пет автомобили.

Genoa, lava la Ferrari di Marchetti e per riportargliela la distrugge in un incidente https://t.co/ywpMcL4TaG pic.twitter.com/MWKGwHY7kV

— Corriere della Sera (@Corriere) January 11, 2021

Иако Маркети збесна кога виде што му се случило на неговиот автомобил, на крајот се смири и му прости на работникот.
– Навистина ми е жал за тоа што се случи, но му благодарам на Бог што нема ниту еден повреден и тоа е најважно. Прочитав многу лоши работи, ајде да заборавиме на се и се надевам дека повеќе нема да мораме да читаме за ова – порача Маркети.