Работниците на општина Звечан утрово се собраа пред зградата на таа институција за да побараат враќање на работните места.
Во моментов ги има околу стотина, а доаѓаат уште повеќе.

Припадниците на полскиот контингент на КФОР поставија ограда на педесетина метри од општината и формираа кордон.

Тие исто како и вчера се опремени со штитови и опрема за разбивање демонстрации, а зад војниците на КФОР стојат специјалните сили на косовската полиција со неколку оклопни возила.

Состојбата во Звечана засега е мирна, децата и утринава не се на училиште, а утрово се отворени неколку продавници со основни прехранбени производи.

Силите на КФОР вчера разбија собир на граѓани кои беа собрани пред општина Звечан и мирно протестираа. Беа употребени солзавец и шок бомби.

Повеќе од 50 граѓани дошле во КБЦ Косовска Митровица со повреди од шок бомби, гумени куршуми и боева муниција.