Работнички не губи во Скопје
Актуелниот шампион Работнички брзо се созеде од убедливиот пораз во вториот натпревар со Блокотехна. Работнички пред своите навивачи триумфира со 91:73 и поведе со 2:1 во серијата кој прв до три победи.
За разлика од вториот натпревар, овој пат избраниците на Марин Докузовски одиграа далеку подобро, како во одбраната така и во нападот.
Желбата за одмазда го диктираше ритамот на кошаркарите на Работнички, па уште во првото полувреме успеаја да создадат двоцифрена предност со која и се замина на одмор (51:41).
Фуриозниот старт на Работнички му донесе предност и од 16 поени, и наместо да се зададе конечниот удар, извраниците на Докузовски застанаа и ѝ дозволија на Блокотехна да се врати во игра (65:60).
Шок терапијата со тајм аутот на Докузовски вроди со плод, кошаркарите на Работнички заиграа во поагресивно, беа доминантни на двата краја од теренот и сосема заслужено победија со 91:73.
Најдобар во тимот на Работнички беше Чавдар Костов 19 поени и 12 скокови, додека Бобан Стајиќ и Ѓорѓи Чековски постигнаа по 18 поени. Во редовите на Блокотехна, најрасположен за игра беше Брендон Пен со 23 поени.
Наредниот четврти натпревар се игра во недела во Гевгелија, триумф на Работнички го носи во финалето, додека победа на Блокотехна ќе значи мајсторка.