Работнички и Еуро Никел тргнаа со победи во плеј-офот

фото: КФСМ

Екипите на Работнички и на Еуро Никел се победи го започнаа разигрувањето за титулата во  домашниот шампионат. Во репризите од четвртфиналето во Купот Благоја Георгиевски – Буштур, Работнички со 72:65 го совлада ТФТ, додека Еуро Никел со 90:79 славеше над Гостивар и поведоа во плеј-оф сериите.

Најмладиот прволигаш ТФТ, уште еднаш покажа дека не случајно игра во плеј-офот, гостинските кошаркари го испотија најтрофејниот кошаркарки клуб во државава.
Првите три четвртини поминаа во израмнета игра, најголемата предност за ТФТ изнесуваше седум поени (0:7) уште на самиот старт, додека Работнички во третата четвртина дојде до плус девет (46:37), но по 30 минути игра тимот од Градски парк имаше само еден поен предност.

Работички дури во последната четвртина успеа да го скрши отпорот на одличниот ТФТ, со тројката на Ефремовски и поените на Аска, домаќините дојдоа до 65:58, предност која успеаја да ја зачуваат до крајот и да поведат во плеј-оф серијата со ТФТ.
Питс со 16 поени и Аска со 15 поени и 11 скокови беа најдобри во тимот на Работнички, додека кај ТФТ, Бејли имаше дабл-дабл од 17 поени и 11 скокови.
Екипата на Еуро Никел со 90:79 го совлада Гостивар и исто така поведе со 1:0 во победи во серијата кој прв до два триумфи. Клучен момент за победата на кошаркарите на Горан Самарџиев беше втората четвртина која ја добија со 25:15 за да заминат на одмор со 47:39. На самиот старт од второто полувреме, Еуро Никел дојде до двоцифрена предност и не ја испушти до самиот крај.
Рикиќ имаше дабл-дабл од 19 поени и 11 скокови,Мијатовиќ постигна 18 поени додека Соколов 17 за Еуро Никел, додека кај тимот на Гостивар најдобри беа Тодоровиќ со 20 и Јанески со 19 поени.

Фото: КФСМ

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот