Кризата ги погоди младите- Од 8.421 новопријавени во АВРМ, 6.692 се на воздраст до 29 години
Во однос на возрасната структура од 8.421 невработени лица кои прв пат се пријавиле во евиденцијата на невработени лица, 6.692 невработени лица се на возраст до 29 години, 1033 невработени лица се на возраст од 30-49 години и 696 невработени лица се на возаст над 50 години.
Недостатокот на квалификувана работна сила се уште е проблем за работодавачите во Македонија. Од друга страна пак, непримамливите понуди и ниските плати се проблем за невработените.
Во Агенцијата за вработување на Македонија до 30.09.2020 година евидентирани се 8.421 невработени лица, кои прв пат се пријавиле во евиденцијата на невработени лица во период после 11.03.2020 година, односно во периодот на кризата предизвикана од COVID-19 вирусот.
Во однос на возрасната структура од 8.421 невработени лица кои прв пат се пријавиле во евиденцијата на невработени лица, 6.692 невработени лица се на возраст до 29 години, 1033 невработени лица се на возраст од 30-49 години и 696 невработени лица се на возаст над 50 години.
И покрај кризата која ја предизвика светската пандемија, не е лесно да се најде работник.
-Во зависност од степенот на потребно знаење, односно образование, а врз основа на огласите кои се активни во моментот, работодавачите огласиле најмногу слободни работни места за следните занимања: oпшт работник, продавач, хигиеничар на производствени – работни простории, хигиеничар на станбен и деловен простор, возач на товарно возило, возач на камион, возач на автобус, возач на такси , шивач, келнер, градежен работник, обезбедувач (заштита на имот и лица), магационер, програмер, инженер по информациски технологии, систем оператор, администартивен службеник, администратор и др.Според претежната дејност на работодавачот, најголем број од објавените слободни работни места се кај работодавачи од преработувачка индустија, трговија на големо и трговија на мало и административни и помошни услужни дејности, потоа од дејноста објекти за сместување и сервисни дејности со храна, транспорт и складирање, градежништво, информации и комуникации, стручни, научни и технички дејности, како и во други дејности, велат од АВРМ.
Но, ако се погледнат огласите за работа, може да се забележи дека често за работен ангажман на доктори или инжинери се нудат минимални плати, што предизвикува револт кај граѓаните.
Сопственичка на бутик, која претрпе силни загуби поради пандемијата реагира дека младите и покрај тоа што немаат работа и трошат од ниските плати на родителите, сепак не сакаат да работат и бараат исклучиво високи позиции и функции, иако немаат доволно искуство.
–Се согласувам дека платите во државава се ниски, и знам дека се недоволни за луксузен живот, но и ние газдите не можеме повеќе да исплатиме. Вработената која неколку години работеше кај мене си замина поради здравствени причини, и сега имам проблем да најдам нова. Нудам плата од 16.500 денари, но по направеното интервју кандидатките заминуваат незадоволни, вели Ружица од Скопје.
Од Стопанската комора неколкупати нагласуваат дека работодавачите треба континуирано да вложуваат во обуки на своите вработени и апелираат Министерството за образование заедно Агенцијата за вработување да продуцираат квалификувани стручни кадри.
Од ССК нагласија дека горлив проблем е и „одливот на мозоци“, кој дополнително може да акумулира загуби во економскиот сектор и предложија властите веднаш да започнат доквалификација на домашните работници, за во земјава да не останат само неквалификувани кадри.