Рускиот претседател, Владимир Путин објасни дека зголемувањето на бројот на заразени лица со коронавирусот во некои региони на Русија се должи на намерно постапување и побара од надлежните органи да ги почитуваат сите санитарни регулативи.

На состанокот на санитарно-епидемиолошката состојба во Русија, Путин ги спомена негативните случувања во некои региони на Русија, каде е забележан зголем број за заболени.

-Знам за што станува збор. Тоа е резултат на намера. Поинаку тоа не можам да го наречам, истакна рускиот шеф на државата.

Тој побара да му се доставуваат дневни извештаи и прогнози за ситуацијата. Путин најави и дека армијата може да биде вклучена во мерките против Ковид-19, вклучително и помош од воено-медицинскиот персонал.

Во поголемиот број руски региони се воведени слични мерки како и во Москва, при тоа препорачувајќи им на граѓаните да не ги напуштаат домовите ако е неопходно.