Во борбите во Нагорно – Карабах загинаа над 4.000 луѓе, вклучувајќи и цивили, а над 8.000 се повредени, изјави денеска рускиот претседател Владимир Путин.

Тој наведе дека бројот на избеганите во таа зона е над 10.000 како и дека се уништени многу култни објекти на цивилната инфраструктура.

На 9 ноември беше потпишана трилатералната декларација меѓу лидерите на Азербејџан, Ерменија и Русија која „овозможи целосно запирање на крвопролевањето и стабилизација на ситуацијата“, нагласи Путин на видеоконференцијата за хуманитарните проблеми во тој регион, пренесе ТАСС.

– Гранатирањето и борбите се целосно запрени, рече тој и додаде дека руските мировни сили се разместени долж линијата на контактот.

Тој изрази надеж дека самиот збор „судир“ повеќе нема да биде користен за опишување на ситуацијата во Нагорно – Карабах.

-Се надевам дека повеќе нема да зборуваме за судир околу Нагорно- Карабах и се надевам дека наскоро ќе поминеме на расправа за други прашања, од кое едно секако, е многу актуелно, рече Путин.