Рускиот претседател Владимир Путин, коментирајќи го обраќањето на лидерот на опозицијата во Венецуела Хуан Гваидо до Бог, нагласи дека од Господ, во таа прилика, Гваидо „не добил никаков сигнал“ и го повика „да се спушти на земјата“.

-Господинот Гваидо излезе на плоштад, ги крена очите кон небото обраќајќи му се на Бог и се прогласи за претседател. Одлично, но Бог не ни соопшти како реагирал на оваа негова молба. Не ни даде никаков сигнал – изјави Путин на конференцијата за медиуми со италијанскиот премиер Џузепе Конте во Рим.

Путин: Господин Гуайдо вышел на площадь и, обращаясь с Господу, объявил себя президентом. Хорошо, но Господь нам не сообщил, как он отреагировал на это обращение, никакого сигнала не подал. Поэтому надо вернуться на грешную землю и руководствоваться демократическими правилами pic.twitter.com/dJUIJlg4Hx

— Дмитрий Смирнов (@dimsmirnov175) July 4, 2019

– Затоа мислам дека мора да се спушти на земја и да се раководи според демократските процедури и правила кои се сведуваат на едно – дијалог и обраќање кон народот и гласачите. Ттреба да се оди да избори и да се реши прашањето за идниот развој на земјата – нагласи Путин.

Путин информираше дека за тоа зборувал на сите состаноци во Рим и Ватикан.