Путин за епидемијата во Москва: Спречен најтешкиот можен исход, наредните денови ублажување на мерките

Фото: ЕПА

Собјанин го извести Путин за плановите за ублажување на блокадите во Москва од 1. јуни.

Рускиот претседател Владимир Путин изјави денеска дека Москва, која беше епицентар на пандемијата од коронавирус, успеа да го спречи најтешкиот можен исход и сега градот планира во наредните денови да ги ублажи блокадите.

Путин во разговор со градоначалникот на Москва Сергеј Собјанин преку видеоконференција нагласи дека очигледно ситуацијата во градот се стабилизираше благодарение на навремените потези на власта.

Според неговите зборови, сега е време Москва да им пружи помош на регионите во кои коронавирусот и натаму е силен.

-Ситуацијата во Москва, како и во другите делови од земјата, полека се стабилизира. Бројот на заболени од коронавирус во Москва е преполовен. Повеќе луѓе се отпуштени од болница отколку примени, наведе Путин.

Собјанин го извести Путин за плановите за ублажување на блокадите во Москва од 1. јуни.

Руските власти претходно пријавија 8.338 нови случаи од коронавирус, со што бројот на заразени е зголемен на 370.680. Во Русија од ковид-19 починаа 3.968 лица.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот