Авганистанската Влада формирана од талибанците не е репрезентативна и инклузивна, но од суштинско значење е да се работи со неа, изјави денеска рускиот претседател Владимир Путин на заедничкиот состанок на лидерите на Организацијата за договор за колективна безбедност (ОДКБ) и Шангајската организација за соработка.

Путин, исто така, рече дека многу граѓани на Авганистан ја напуштаат својата татковина и оти се надева дека тоа нема да биде „повеќемилионски егзодус”.

-Талибанското движење, кое всушност стана една земја, формираше своја влада, која ја презеде одговорноста за иднината на Авганистан. Ова е привремена влада, и како што велат самите талибанци, таа навистина не може да се нарече репрезентативна, рече Путин.

-Сепак, се чини дека е неопходно да се работи со талибанците, а што се однесува до признавањето, Путин се согласи дека е неопходно да се координира позицијата за тоа прашање.

Според него, оптимално би било да се поттикне дијалог „преку механизмот на проширената тројка за Авганистан, и таа работа е веќе во тек”. Покрај тоа, Путин изрази уверување дека ОДКБ и СЦО се заинтересирани „да им помогнат на Авганистанците конечно да постигнат мир и стабилност”

Извор: МИА