Путин традиционално на 19 декември ја оддржува годишната прес-конференција

Фото: ЕПА

Рускиот претседател Владимир Путин ќе ја одржи вообичаената годишна прес-конференција на 19 декември, соопшти денеска прес-службата на Кремљ.

Престојната прес-конференција ќе биде 15-та од 2001 година.

Во сите претходни години, рускиот шеф на државата неколку часа одговараше на прашања на прес конференција пренесувана во живо.

Првата прес-конференција во 2001 година беше најкратка и траеше еден час и 35 минути, додека најдолгата траеше четири часа и 40 минути во 2008 година.

Почнувајќи од 2004 година, сите прес-конференции траеја повеќе од три часа.

Минатата година прес-конференцијата траеше три часа и 43 минути и Путин одговори на 53 прашања на медиумите.

Путин се појавува на годишни прес-конференции секоја година од 2001 година, освен за време на неговиот мандат како премиер од мај 2008 до мај 2012 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот