ПУТИН ПРЕД 20 ГОДИНИ ОДБИЛ ВОТКА КОЈА МУ ЈА ПОНУДИЛЕ: Сега се врати и го прифати пијалокот, еве од кои причини (ВИДЕО)
Претседателот на Русија, Владимир Путин го исполни ветувањето кое го дал пред 20 години – испил чашка вотка која ја одбил и ја оставил за време на својата посета во Дагестан во август 1999 година.
Путин се сретна со учесниците на народното востание кои учествувале во борбите во Дагестан во август и септември 1999 година. Откако ги изговорил поздравните зборови, присетувајќи се на некогашните случувања, шефот на државата го завршил својот говор со подигнување на чашка вотка и пиење до крај.
„Сакам од се срце да ве поздравам и да ви се заблагодарам на поканата. Ме повикавте во живо, со задоволство дојдов. Се сеќавам на тие случувања, апсолутно искрено велам: она што овде се случи ми беше исклучително важно. Тоа беше апсолутно принципиелна работа, затоа што видов што поддржуваат луѓето, сфатив дека луѓето се подготвени за најголеми жртви за Татковината“, истакна Путин.
Сказал-сделал. Спустя 20 лет Путин выпил рюмку водки с ополченцами в Дагестане pic.twitter.com/bJmH5BGTLc
— Кремлевский пул РИА (@Kremlinpool_RIA) September 12, 2019
Според неговите зборови од тој момент му било јасно дека „ќе победиме, дека терористите немаат шанси. Токму во тој момент“, додаде рускиот лидер.
Овие денови во Дагестан се одбележуваат 20 години од упадот на терористите од Чеченија и нивен пораз. Доаѓањето на Путин во Ботлихскиот регион во Дагестан два дена откако беше именуван за премиер го подигна тогаш моралот на жителите.
Тогаш по состанокот меѓу Путин и воените генерали се случила познатата анегдота со чашката алкохол. По обраќањето на Путин, сите ги подигнале чашките за здравица, а тој ја удрил на маса и рекол: „Ќе пиеме кога ќе победиме“.
На овогодишната конференција „Директна линија со Владимир Путин“, претседателот го потсетиле на оваа случка. Путин тогаш ветил дека ќе ја испие чашата која ја оставил недопрена во август 1999. година.