Во четвртокот во воената база во Архангеловск се случи експлозија, чии последици можеби се многу поголеми од што се претпоставуваше.

Сега е откриено што всушност експлодирало, а тоа отвора низа прашања.

Првичната вест беше дека загинале двајца војници при тестирање на ракетен мотор на течно гориво. Потоа било кажано дека оваа експлозија нема да има последици поради радијација, но потоа беше забрането бродови да пловат во овој дел од Белото Море.

Но, руските власти, како што наведува „Дејли мејл“, признаваат дека во одредени подрачја во близина на базата скокнало нивото на радиоактивното зрачење, но и дека ситуацијата е под контрола.

Меѓутоа, луѓето од овој реон веќе набавуваат јод, за да се заштитат од последиците на евентуалното зрачење.