Путин и Ердоган заеднички ќе ги решаваат кризите во Сирија и Либија
Лидерите на Русија и Турција, Ердоган и Путин, денеска имале телефонски разговор со цел изнаоѓање на решение за кризите во Либија и Сирија, информираат руските медиуми.
„Двете страни изразија загриженост поради ситуацијата во Либија и нагласија неопходност од воспоставување на примирје и продолжување на преговарачкиот процес“, се наведува во соопштението на прес-службата на Кремљ.
Се додава и дека била истакната важноста за постигнување на договор за Сирија, пренесе руската новинска агенција „ТАСС“.
Во соопштението се вели дека разговорот го иницирала турската страна и било договорено контактот да биде продолжен на различни нивоа.
Ердоган му изразил сочуство на Путин по трагичната смерт на 14-те морнари во руската истражувачка подморница, кои денеска беа погребани на Серафимовските гробишта во Санкт Петербург.