Претседателите на Русија и Турција, Владимир Путин и Реџеп Таип Ердоган, ќе се состанат на 5 или 6 март, најави денес шефот на турската дипломатија Мевлут Чавушоглу.

Тој за новинарите во Анкара рече дека прашањето на кризата во сириската провинија Идлиб може да се речи исклучиво на состанок на двајцата преседатели.

– Работиме на тоа. Состанокот ќе се одржи на почетокот на март, или 5 или 6 март – рече Чавушоглу.

Портпаролот на Кремљ, Дмитриј Песков потврди дека Путин и Ердоган разговарале на телефон за можноста да се состанат.

– Моментално се работи на состанок меѓу претседателот Путин и претседателот Ердоган во Москва на 5 или 6 март – додаде Песков.

Како што пренесува „Тасс“, лидерите на двете земји вчера разговарале телефонски, фокусирајќи се на прашањето за итно воспоставување на дополнителни мерки за нормализирање на ситуацијата во северозападна Сирија.