Путин го одбележа Денот на единството од Крим, Украина бесна

Обраќање на рускиот претседател Владимир Путин од Крим/ Фото EPA-EFE/MIKHAIL METZEL /

Рускиот претседател Владимир Путин го одбележа Денот на единството со посета на анектираниот Крим, по што следеа остри критики од Украина.

Говорејќи во Севастопол, седиштето на руската Црноморска флота, Путин рече дека градот Крим „сега и засекогаш е со Русија“, пренесува Ројтерс.

Украина, од која Русија го окупираше полуостровот во 2014-та година, ја осуди посетата како „чисто кршење на украинскиот суверенитет“ и меѓународното право.

Празникот се одбележува од 2004 година

Денот на единството е празник создаден од администрацијата на Путин во 2004 година за да го замени Денот на комунизмот на Октомвриската револуција, за време на кој тенкови и војници обично парадираа низ Црвениот плоштад во Москва.

Поради анексијата на Крим, западните земји воведоа санкции кон Русија, додека популарноста на Путин во Русија се зголеми.

Во текот на изминатите седум години, Путин неколку пати го посети Крим, секој пат критикуван од Украина.

Видео на денот