Путин до офицерите: Новото руско оружје е без конкуренција
Претседателот на Русија, Владимир Путин, денес рече дека новото руско оружје нема да има конкуренција во светот, но и дека Русија нема никому да се заканува.
Зборувајќи на состанокот со високи воени претставници и официри, Путин навел дека ниту една друга земја хиперсонични, ласерски и други оружја на новата генерација која ги нарачала руската војска, но и додаде дека „тоа не е причина да се заканува некому“.
Според неговите зборови, новите системи на оружје се прават исклучиво „за да се осигури безбедноста на Русија од новите закани“, а Русија и понатаму ќе продолжи да работи на контролата за вооружување.
Односите на Русија и Западот паднаа на најниско ниво уште од времето на Студената војна поради судирот во Украина и други спорни точки.
Путин во 2018 година најави цела серија на ново оружје, вклучувајќи и хиперсонична едрилица, нуклеарен подводен дрон и крстосувачки ракети на нуклеарен погон.