Путер од какао: Најчистиот природен производ што има широка примена
Путерот од какао се добива од пресување на зрна од какао, а со илјадници години се смета за природна чиста маст, која е многу корисна за човечкото здравје и убавината. Денес има широка примена како во козметичката индустрија, така и во кулинарството, слаткарството итн.
Овој природен цврст растителен путер содржи високи количини антиоксиданси, кои не дозволуваат да се расипе или да смени мирис и вкус, и му го продолжуваат рокот на траење. Ако правилно се чува, путерот од какао може да трае од две до пет години.
Претставува апсолутно чист производ, без какви било хемиски и други додатоци, поради што не е потребно да се пречистува дополнително.
Не го зголемува холестеролот
Путерот од какао се смета за еден од најстабилните путери. Има нежна и мазна конзистенција и уште попријатна арома на какао, која им е омилена на многумина. Бојата му е кремаста и лесно може да се дробат и крупни парчиња. Иако какао-путерот е помалку познат од какаото во прав, тоа не значи дека е помалку корисен производ.
Тој се користи во козметологијата за производи за сончање, балсами, млека за тела, сапуни и кремови. А во фармацијата се користи за правење супозитории.
Плодовите од какао се големи и имаат елиптична форма, со тежина до 500 грама, а внатре има од 16 до 60 семки од какао, кои наликуваат на зрна грав, поради што некогаш може да се најдат и под називот „грав од какао“. Во него има висок процент масло, што во суштина е какао-путер.
Во зрната од какао откриени се над 300 состојки, како флавоноиди, витамин Е, витамини од групата Б, железо, цинк, калиум, калциум, полифеноли и многу антиоксиданси. А најголемо богатство се многуте масни киселини – стеаринска, олеинска, палмитинска, линоленска и други заситени масни киселини. Мастите што ги содржи путерот од какао не се штетни и не го зголемуваат нивото на
холестерол во крвта.
Не го загревајте на висока температура
Освен во слаткарството, каде што се користи за подготовка на производи од чоколадо, путерот од какао се додава во домашни пијалаци и десерти. Се додава во напивки со млеко, сладолед, кафе, мед, јаткасти плодови и сушено овошје.
Важен услов е при термичка обработка да не се загрее на повеќе од 35-40 степени, бидејќи така се чуваат неговите корисни материи.
View this post on Instagram
Путерот од какао не дебелее само ако се консумира разумна количина квалитетно чоколадо, што е 40 грама на ден. Најмногу го има во темни и црни чоколади, кои се препорачани за исхрана.
Голема предност на путерот од какао е што е добар за кожата и нејзиното здравјеи заштита. Ако ја мачкате кожата со какао-путер пред сончање, ќе добиете воедначен тен. Докажано ја регенерира и хидрира кожата, што ја прави мазна и мека. Има обновувачко дејство бидејќи го надоместува недостигот на минерали и витамини во кожата, давајќи ѝ еластичност. Одличен е за проблеми со стрии и
брчки.
