Организаторите на Европското првенство во ракомет кое ќе се игра идната година, Унгарија и Австрија денеска и официјално ги пуштија во продажба влезниците.
Македонската репрезентација се наоѓа во групата А заедно со уште Словенија, Данска и Црна Гора, а натпреварите ќе се играат во салата „Феникс Хол“ салата во Дебрецин.

Во првиот натпревар, ракометарите ќе играат против Словенија на 13 јануари, два дена подоцна е дуелот со Црна Гора, а избраниците на селекторот и капитен Кирил Лазаров настапите во групната фаза ќе ги завршат на 17 јануари против Данска.

Цената за дневен билет, односно влезница со која гледачот ќе може да ги проследи двата натпревари во тој ден изнесува 14 евра. Ова е најевтината цена на дневен билет, а останатите се продаваат за 33 евра и тоа е влезница од прва категорија, а ВИП влезнивата се продава за 89 евра.
Наевтиниот групен билет за следење на натпеварите во сите три кола изнесува 37 евра.