„Пукна“ сеир: Денес изјавата на тренерот на Ајакс пред натпреварот со Наполи звучи смешно
Најубедливата победа во вчерашните натпревари од Лигата на шампионите ја оствари Наполи кој го понижи Ајакс во Амстердам со триумфот од 1:6.
За Ајакс ова беше најубедливиот пораз кој холандскиот тим го претрпел на домашен терен во европските натпреварувања. Денес по ваквиот резултат се коментира и изјавата на тренерот на холандскиот гигант, Алфред Шрудер.
Дел од навивачите беа скептични пред натпреварот против Наполи, меѓутоа Шрудер веруваше во успех па на прес-конференцијата пред дуелот даде прилично самоуверена изјава.
„Нека дојде натпреварот утре, само гледајте го. Ние ќе направиме нешто прекрасно“, изјави Шрудер.
— Out Of Context Football (@nocontextfooty) October 4, 2022
На крајот место нешто „прекрасно“ Ајакс во Лигата на шампионите доживеа дебакл каков што не му се случил претходно, па затоа и социјалните мрежи се преполни со шеги на Шрудер.