ПУКАЊЕ ОД ЦРНА „ХОНДА“: Студенти заклучени седат во кампус на Универзитет (ВИДЕО)
Повторно пукање во американски универзитетски кампус, овој пат во Мисисипи.
Официјални претставници на Универзитетот Џексон во американската сојузна држава Мисисипи потврдија дека во нивниот кампус денеска дошло до пукање и дека напаѓачот веројатно се уште се наоѓа во негова близина.
Студентите и вработените се предупреднеи дека кампусот во моментов е заклучен, а на сите им е упатен совет да се скријат во своите соби и канцеларии.
-Сомнителен напаѓач со огнено оружје е во црна „хонда”, Целата заедница во кампусот треба веднаш да се скрие. Кампусот во моментов е заклучен. Ќе ве информираме кога ситуацијата ќе биде решена- наведува универзитетот на својот налог на Твитер.
We have an active shooter on campus. The suspected shooter is in a black Honda Accord, license plate number MAC 0214. The entire campus community should take shelter immediately. The campus is currently on lock down. We will notify you when the situation is resolved.
— Jackson State U. (@JacksonStateU) December 4, 2019
Полицијата во Џексон потврди дека истражува пукање во кампусот, како и дека едно лице е рането.
-Го истражуваме пукањето во блокот околу улицата Линч, што се случи малку по 11 часот. Според првичните информации, едно машко лице е рането. Неговата состојба засега е непозната. Во моментов нема достапни информации за мотивите за пукањето или за осомничениот сторител, соопшти полицијата.