Публиката се вознемири, некои тргнаа на сцена да му помогнат: На познатиот српски глумец му се слоши сред претстава!
Како што еден од присутните за време на овој настан изјавил, публиката се вознемирила поради состојбата на актерот, Милан Лане Гутовиќ.
„Беше страшно. Лане излезе на сцената и веќе во наредниот момент видовме дека му е лошо. Луѓето се вознемирија, а некои од гледачите се упатија кон сцената за да му помогнат. Веднаш го тргнаа од сцената, а публиката ја замолија да ја напушти салата. Сите бевме исплашени и само сакавме да дознаеме дали Лане е добро“, изјавил за српскиот Курир соговорник кој во тој момент бил во салата.
Комичарот веднаш завршил на доктор и после укажаната медицинска помош, веднаш му се подобрила ситуацијата. Тоа го потврдил неговиот менаџер Џорџе Милутиновиќ.
„Точно е. На Лане му се слоши уште на самиот почеток на претставата. Салата беше полна, но тоа се случува кога времето и притисокот се вакви. Веднаш беше однесен кај доктор и таму помина неколку часа. Се слушнавме утрово и добро е. Ќе објавиме нов термин за играње на претставата. Нема ништо полошо од тоа кога еден глумец мора да ја откаже претставата“, изјавил Милутиновиќ.