Сагата околу Нејмар и неговото заминување  од ПСЖ се чини дека ќе потрае уште некое време. Иако ПСЖ и Барселона започнаа разговори за евентуалниот трансфер на Бразилецот, до негова реализација нема да дојде во скоро време.

Причината за тоа се големите барања на ПСЖ, францускиот шампион го цени Нејмар на 300 милиони евра и нема намера да го продава за помала сума, додека челниците на Барселона сметаат дека вистинската вредност е не повеќе од 200 милиони евра.

Каталонскиот клуб му постави два услови на Нејмар за да ги продолжи разговорите со ПСЖ, првиот е да се откаже од тужбата вредна 26 милиони евра поради неисплатени бонуси додека играше за Барселона, а вториот е јавно да изјави дека заминувањето од Барселона беше грешка и сака да се врати назад.

Неофицијално, Нејмар се согласил на овие услови по што Барселона веќе достави и официјална понуда која беше одбиена од ПСЖ.
Шпанскиот тим понуди 100 милиони евра плус Филипе Кутињо, но ПСЖ бара повеќе.  Претседателот на Барселона е подготвен на последна понуда која ќе биде „земи или остави“, а тоа е Кутињо и Осман Дембеле во замена за Нејмар.