ПСЖ му даде дозвола на Нејмар, може да преговара со Барселона
Сепак, за да се реализира трансферот шпанскиот тим мора да го собори сопствениот рекорд, а тие немаат толку пари.
Сагата околу Нејмар и неговото враќање во Барселона ќе биде актуелна и во летниот преоден рок откако Бразилецот доби дозвола од актуелниот тим ПСЖ да преговара со каталонците.
Барселона токму по заминувањето на Нејмар во 2017 година, речиси и да не може да погоди со трансферите, Фелипе Кутињо, Осман Дембеле кој беше доведен како замена за Нејмар, и Антоан Гризман се покажаа како големи промашувања иако секој од нив беше платен повеќе од 100 милиони евра.
Токму поради тоа, управата на Барселона сите сили ги насочи кон Нејмар и негово враќање на „Камп Ноу“, а според весникот „АС“, Бразилецот се договорил со актуелниот тим ПСЖ и доби дозвола да преговара за негово враќање во Шпанија.
Нејмар, односно неговиот татко ги договори сите детали од договорот со Барселона и останува да се реши најтешкиот дел за шпанскиот тим, да најде пари за трансферот.
ПСЖ ги извести и Барселона и Нејмар дека треба да се плати обесштетување од 170 милиони евра, што би претставувало рекорден трансфер за шпанскиот тим, а во моментов таа сума ја немаат.
Поради тоа Барселона се обидува да го вметне Антоан Гризман кој лани беше платен 120 милиони евра и да доплатат одредена сума на пари за да може Нејмар да се врати во „Камп Ноу“.