Францускиот шампион е подготвен да го пушти Нејмар да замине во Барселона за сума од 130 до 150 милиони евра што е огромно намалување на барањата кои на почетокот од месецов изнесуваа неверојатни 300 милиони евра.

PSG : Neymar a repris la course https://t.co/wNj4VxCtMW

— Le Parisien – Sports (@LeParisienSport) June 29, 2019

Според „Ле Паризиен“ во ПСЖ како дел од размената за Нејмар, сакаат да добијат двајца фудбалери по сопствен избор но Барселона нема да им го дозволи тоа и досега му понуди неколку опции на францускиот тим. Освен пари, каталонскиот клуб во една понуда го нуди Фелипе Кутињо, во друга Осман Дембеле, а во третата се пари и Иван Ракитиќ и Самуел Умтити.

Претходно, ПСЖ за својот најдобар фудбалер бараше дури 300 милиони евра но откако Нејмар јавно побара да му биде овозможено да се врати во Барселона, мораа да ги намалат барањата.

Нејмар го носеше дресот на Барселона од 2013 до 2017 година кога за рекордни 222 милиони евра се пресели токму во ПСЖ. Тој во изминатата сезона одигра само 28 натпревари на кои постигна 23 голови и имаше 13 асистенции.