ПСЖ е шампион на Франција, а натпреварите во ЛШ сака да ги игра во Катар

Францускиот спортски магазин „Лекип“ пишува дека фудбалската федерација на Франција (ФФФ) одлучи да стави крај на сезоната во Лига 1 и шампионската титула да ја додели на ПСЖ.

ПСЖ во моментот на прекинот на Лига 1 поради пандемијата на коронавирусот имаше 12 бода предност пред Олимпик Марсеј и натпревар повеќе.

За „светците“ ова е трета титула по ред и вкупно девета во клупската историја.

Според „Лекип“ се уште не е познато дали актуелната табела кога беше прекинато првенството ќе се користи и кога станува збор за пополнување на местата кои носат во европските купови.

Според актуелната табела, Олимпик Марсеј и Рен ќе играат во квалификациите за настап во Лигата на шампионите, додека во Лигата на Европа би настапите четвртопласираната екипа и победниците во Лига купот и францускиот Куп (се уште не е одиграно финалето и двете натпреварувања), Лил, Рем и Ница.

Бидејќи француската влада забрани спортски натпревари до септември, а УЕФА го нема конечниот план за завршницата во ЛШ и ЛЕ, екипата на ПСЖ има интересна идеја.

Доколку четвртфиналните натпревари од ЛШ не се играат во ист град, тогаш ПСЖ ќе и предложи на УЕФА своите натпревари како домаќин да ги игра во Катар. Доколку биде одбиен нивниот предлог, тогаш францускиот тим како алтернативен стадион ќе го пријави стадионот во Брисел.

Видео на денот