Психолози се обидуваат да објаснат: Што се случува во мозокот на луѓето 72 часа пред смртта?
Многу луѓе еден час пред смртта обично „гледат“ драги луѓе кои починале одамна, а она што го виделе не зависи од тоа дали добиле какви било лекови или не, покажува истражувањето спроведено од двајца психолози.
„За девет недели ги изгубив и сестра ми и татко ми, па решив да се посветам на истражувањето на смртта. Сфатив дека луѓето претчувствуваат дека ќе умрат. Некои работи почнуваат да се случуваат во периодот од 72 часа пред смртта“, вели Патриша Пирсон, новинарка и автор на книгата „Opening Heaven’s Door: Investigating Stories of Life, Death, and What Comes After“.
Своето истражување го заснова на разговор со луѓе чија професија е постојан контакт со пациенти кои страдаат од неизлечиви болести. Таа исто така разговарала со луѓе кои доживеале клиничка смрт и се вратиле во живот.
Патриша отрила дека 72 часа пред смртта, луѓето почнуваат да зборуваат за некои чудни работи – за патувања, бараат чевли, дека сакаат да си одат дома, а тие се веќе дома… Всушност, тие имаат визии за патувања, чувствуваат дека одат некаде.
„Мојата сестра боледуваше од рак на дојка и додека лежеше умирајќи, постојано повторуваше „Не знам како да заминам“, а поменуваше и некои „несреќни стјуардеси“, вели Патриша.
Медицинската сестра Меги Каланан од Центарот за палијативна нега во САД, вели дека имала еден пациент кој умирал од рак на панкреас и пред смртта ја прашал „Дали мојата сопруга знае сè за пасошите и билетите?“
Оваа медицинска сестра вели дека била покрај стотици пациенти непосредно пред нивната смрт и дека нивните визии за патувања не можат да се препишат на некаква случајност. Луѓето пред смртта имаат чувство дека одат некаде.
Многу луѓе еден час пред смртта како да знаат дека ќе ги видат најблиските кои починале одамна, а она што го виделе не зависи од тоа дали примиле некои лекови или не, покажува истражувањето на психолозите д-р Карлис Осис и д-р Ерлендур Харалдсон од Универзитетот во Исланд.
Меѓу тие луѓе била и 84-годишната пациентка Одри Скот која кажала дека нејзиниот посвоен син Френки, кој всушност починал пред неколку години, ѝ доаѓал на посета. Одри раскажала дека тој влегува во собата и седи тивко до неа во фотелјата, пишува „Atma“.