ПРВПАТ ВО МАКЕДОНИЈА: Доделени дан-рангови во Окинава-карате стил уечи-рју
Денешниот датум (13 април 2019) во македонскиот спорт ќе остане запаметен како историски – за првпат во Македонија се полагаше за дан-рангови во карате-стилот уечи-рју.
За време на редовниот семинар во Окинава-карате кој го одржува Милан Димитриески (7. дан) од Белград, со дан-рангови се стекнаа шестмина кандидати од велешкиот карате-клуб „Окинава“.
Со четврти дан во овој стил се стекна инструкторот на велешкиот клуб, Боре Видевски.
Еден кандидат, Левко Левков, положи за втор дан во овој карате-стил, додека имињата на Ана Марија Фаркаш, Анастасија Видевска, Дарко Димов и Јован Трајковски ќе останат запаметени како првите кандидати кои во својата матична држава се стекнале со црн појас, прв дан, во стилот уечи-рју.