Грамофонските плочи во последните години се се попопуларни меѓу љубителите на музиката. Иако дигиталната музика, особено сервизите за стримување музика до допир на екран или кликнување со глушецот овозможуваат пристап до целата музика од светот, за дел од вистинските љубители на музиката многу поголему уживање е поставување грамофонска плоча и слушање на стариот познат звук кој бил популарен пред повеќе децении, пишува Insider.

Колкава е популарноста на грамофонските плочи сега покажуваат податоците на американското Здружение на издавачка индустрија за минатата година. Имено, во 2022 година продажбата на плочи ја надминала продажбата на цедеа. Станува збор само за американскиот пазар, а минатата година биле продадени околу 41 милион плочи напрема 33 милиони цедеа.

Исто така, оваа разлика е уште поголема ако се погледнат приходите на овој пазар затоа што плочите се поскапи од цедеата. Така, љубителите на грамофонски плочи минатата година потрошиле 1,2 милијарди долари на плочи, додека приходите од продажбата на цедеа се околу 480 милиони долари.

Иако плочите се се попопуларни, нивниот удел на вкупниот пазар на музика и понатаму е прилично мал, а доминираат дигиталните медиуми. Ваквиот начин на дистрибуција на музика минатата година зазел над 92% од пазарот, со приходи од речиси 16 милијарди долари.

Уделот на дигиталната музика кој е во постојан минус е купувањето песни и албуми, односно нивно преземање на свои уреди, а не преку стриминг сервиси. Таквиот удел паднал за 20% во однос на 2021 година, а 84% во споредба со најголемиот удел кој го имал во 2012 година. Приходите од ваквиот начин на дистрибуција на музика сега се помали од 500 милиони долари.

ВИДЕО: Винилот е во мода, грамофонските плочи популарни кај младите скопјани