Една мачка станала првото животно во Велика Британија кое е позитивно на коронавирусот.

Се што се знае за оваа мачка е дека живее во Англија и дека е тестирана во лабораторијата во Вејбриџ на 22 јули. Се верува дека мачката ја добила заразата од своите сопственици, кои претходно биле тестирани позитивни, но и членовите на фамилијата, како и животното закрепнале целосно.

Како што се додава, не постојат докази дека мачката е таа која го пренела вирусот на своите сопственици, или дека било кое домашно животно е способно за тоа.

Кристин Мидлмис, ветеринарски службеник, објаснила дека тоа е многу редок случај, како и дека животните досега се тестирани со многу блага клиничка слика и дека закрепнале за неколку дена.

Директорката на центарот за јавно здравје во Англија Ивон Дојл вели дека ова откритие не претставува алармантна ситуација.

– Во линијата на препораките во борба против коронавирусот, би требало да ги миете рацете редовно, вклучувајќи и пред и после контакт со животни, рекла таа.