Фудбалерите на Лестер се последни полуфиналисти во најстарото англиско натпреварување, ФА Купот, откако на својот „Кинг Паурер“ стадион со 3:1 го совладаа Манчестер јунајтед.
Ова е историски успех за Лестер во ФА Купот, бидејќи последен пат пласман во полуфиналето е изборен во сезоната 1981/82.
Келечи Ихеначо го отвори резултатот во 24. минута, но за голот треба да му заблагодари на играчот на Јунајтед, Фред, кој му „даде“ топката во петерецот на Хендерсон.
Сепак, на одмор се замина без предност за бнло која екипа бидејќи во 38. минута Мејсон Гринвуд успеа да донесе израмнување.

„Лисиците“ беа далеку подобар тим во второто полувреме и веќе во 52. минута дојдоа до нова предност. Стрелец на голот беше Јури Тилеманс на асистенција на Ихеначо кој го постигна третиот гол за својот тим.
Лестер во полуфиналето кое е закажано на 17. април ќе игра против Саутемптон, додека во второто полуфинале ќе се сретнат Челси и Манчестер сити.