Прво куче заразено со коронавирус: Ги лижело чиниите на сопствениците, па заболело од Ковид-19
Мопсот Винстон е првото куче во САД кое заболело од коронавирусот. Мопсот од Северна Каролина најверојатно го добило вирусот од своите сопственици, кои се позитивни на оваа болест.
Винстон, според зборовите на сопствениците, ги лижел нивните чинии и спиел со нив во кревет, па се сомневаат дека така и се заразил. Коронавирусот бил откриен кај Винстон на 1 април.
За среќа тој, како и сопствениците Семјуел и Хелен и нивниот син Бен, иако заболени, немаат сериозни симптоми на болеста.
Постарата ќерка и нејзиното куче и мачка исто така се тестирани, но не се заразени, додека фамилијата во куќата чува и гуштери како миленичиња, кои не ги тестирале.
Хелен рекла дека кучето покажувало благи симптоми, но дека расата е таква и дека и обично „тешко дише“, па не придавала големо значење на тоа.
– Тие инаку кашлаат и киваат на чуден начин. Меѓутоа, едно утро не сакаше да јаде, што на нас ни беше многу необично, рекла Хелен.
Тие потоа дознале дека и кучето заболело.
Бен вели дека не престанал да го гали кучето, иако знаел дека заболел од вирусот.